Əli Əlizadə (diplomat)

Vikipediya saytından
Naviqasiyaya keç Axtarışa keç
Vikipediyada bu ad-soyadlı digər şəxslər haqqında da məqalələr var; bax: Əli Əlizadə.
Əli Əlizadə
bayraq
Azərbaycan Respublikasının İran İslam Respublikasındakı Fövqəladə və səlahiyyətli səfiri
bayraq2
Vəzifədədir
7 avqust 2021[1][2]
ƏvvəlkiBünyad Hüseynov
2 may 2016 – 16 iyul 2021
ƏvvəlkiDaşqın Şikarov
SonrakıXəzər Fərhadov
bayraq
Azərbaycan Respublikasının Təbrizdəki Baş Konsulu
bayraq2
2010 – 2016
Şəxsi məlumatlar
Doğum tarixi 21 iyun 1978(1978-06-21) (45 yaş)
Doğum yeri
Təhsili
Fəaliyyəti diplomat
Uşağı 3

Əlizadə Əli Fikrət oğlu (21 iyun 1978, Naxçıvan) — Azərbaycan Respublikasının İran İslam Respublikasındakı Fövqəladə və səlahiyyətli səfiri[3][4], Azərbaycan Respublikasının Pakistan İslam Respublikasındakı fövqəladə və səlahiyyətli səfiri (2016–2021), İran İslam Respublikasının Təbriz şəhərində Azərbaycan Respublikasının keçmiş baş konsulu (2010–2016).

Həyatı

[redaktə | mənbəni redaktə et]

Əli Əlizadə 21 iyun 1978-ci ildə anadan olub. 1994–1998-ci illərdə Azərbaycan Dövlət Dillər İnstitutunda tərcüməçi-referent ixtisası üzrə bakalavr pilləsində, 2005–2008-ci illərdə Azərbaycan Respublikasının Prezidenti yanında Dövlət İdarəçilik Akademiyasında dövlət və bələdiyyə idarəetməsi ixtisası üzrə magistr pilləsində təhsil alıb. 2002–2003-cü illərdə Xarici İşlər Nazirliyinin Naxçıvan Muxtar Respublikasındakı konsulluq şöbəsində protokol məsələləri üzrə referent, eyni zamanda aparıcı məsləhətçi-mühasib əvəzi işləyib. 2003–2005-ci illərdə Naxçıvan Muxtar Respublikası Konsulluq İdarəsində protokol məsələləri üzrə aparıcı məsləhətçi, aparıcı məsləhətçi-mühasib, viza-pasport məsələləri üzrə baş məsləhətçi əvəzi, konsul-hüquq məsələləri üzrə baş məsləhətçi əvəzi kimi çalışıb. 2005-ci ilin mart ayında Naxçıvan Muxtar Respublikası Konsulluq İdarəsində rəis əvəzi olub, aprel ayından isə idarə rəisi vəzifəsində işləyib. 2005-ci ilin dekabrından Xarici İşlər Nazirliyinin Naxçıvan Muxtar Respublikasındakı idarəsinin rəisi olub.

2010-cu il iyulun 6-da İran İslam Respublikasının Təbriz şəhərində Azərbaycan Respublikasının baş konsulu təyin edilib, eyni zamanda birinci dərəcəli fövqəladə və səlahiyyətli elçi diplomatik rütbəsinə yiyələnib[5]. Buna qədər Əli Əlizadənin diplomatik rütbəsi müşavir olub.

5 aprel 2016-cı ildə həmin vəzifədən geri çağırılaraq[6] 2 may 2016-cı ildə Azərbaycan Respublikasının Pakistan İslam Respublikasında fövqəladə və səlahiyyətli səfiri təyin edilib[7]. 16 iyul 2021 tarixində isə geri çağrılmışdır.[3]

Əli Əlizadə 7 avqust 2021-ci il tarixində Azərbaycan Respublikasının İran İslam Respublikasındakı Fövqəladə və səlahiyyətli səfiri vəzifəsinə təyin olunmuşdur.[8]

İngilis, rus, türk dillərini bilir.

Ailəlidir, üç övladı var.

Mükafat və təltifləri

[redaktə | mənbəni redaktə et]

2009-cu ildə "Azərbaycan Respublikası diplomatik xidmət orqanlarının 90 illiyi (1919–2009)" yubiley medalı ilə təltif olunub. 2014-cü ildə isə "Azərbaycan Respublikası Xarici İşlər Nazirliyinin Fəxri əməkdaşı" adına layiq görülüb. 2019-cu ildə Azərbaycan Respublikasının 3-cü dərəcəli "Vətənə xidmətə görə" ordeni ilə təltif olunub.[8] 2019-cu ildə "Azərbaycan Respublikası diplomatik xidmət orqanlarının 100 illiyi (1919–2019)" Azərbaycan Respublikasının yubiley medalı ilə təltif olunub.

Mənbə

[redaktə | mənbəni redaktə et]

İstinadlar

[redaktə | mənbəni redaktə et]
  1. ↑ "Ə.F.Əlizadənin Azərbaycan Respublikasının Pakistan İslam Respublikasında fövqəladə və səlahiyyətli səfiri vəzifəsindən geri çağırılması haqqında Azərbaycan Respublikası Prezidentinin Sərəncamı". 2022-02-09 tarixində arxivləşdirilib. İstifadə tarixi: 2022-02-09.
  2. ↑ "Azərbaycan Respublikasının İran İslam Respublikasında fövqəladə və səlahiyyətli səfiri Ə.F.Əlizadənin eyni zamanda Azərbaycan Respublikasının İqtisadi Əməkdaşlıq Təşkilatı yanında daimi nümayəndəsi təyin edilməsi haqqında Azərbaycan Respublikası Prezidentinin Sərəncamı". 2021-08-07 tarixində arxivləşdirilib. İstifadə tarixi: 2021-08-07.
  3. ↑ 1 2 "Arxivlənmiş surət". 2021-07-16 tarixində arxivləşdirilib. İstifadə tarixi: 2021-07-16.
  4. ↑ "Ə.F.Əlizadənin Azərbaycan Respublikasının İran İslam Respublikasında fövqəladə və səlahiyyətli səfiri təyin edilməsi haqqında Azərbaycan Respublikası Prezidentinin Sərəncamı". 2022-02-09 tarixində arxivləşdirilib. İstifadə tarixi: 2022-02-09.
  5. ↑ "Əli Əlizadə Azərbaycanın Təbrizdəki baş konsulu təyin edilib". 2019-12-05 tarixində arxivləşdirilib. İstifadə tarixi: 2013-11-01.
  6. ↑ "1938 - Ə.F.Əlizadənin İran İslam Respublikasının Təbriz şəhərində Azərbaycan Respublikasının baş konsulu vəzifəsindən geri çağırılması haqqında". e-qanun.az (azərb.). 5 aprel 2016. 2 June 2018 tarixində arxivləşdirilib. İstifadə tarixi: 3 may 2016.
  7. ↑ "Azərbaycan Prezidentinin Rəsmi internet səhifəsi - SƏNƏDLƏR » Sərəncamlar Ə.F.Əlizadənin Azərbaycan Respublikasının Pakistan İslam Respublikasında fövqəladə və səlahiyyətli səfiri təyin edilməsi haqqında Azərbaycan Respublikası Prezidentinin Sərəncamı". www.president.az (azərb.). 2 may 2016. 6 May 2016 tarixində arxivləşdirilib. İstifadə tarixi: 3 may 2016.
  8. ↑ 1 2 "Arxivlənmiş surət". 2019-07-09 tarixində arxivləşdirilib. İstifadə tarixi: 2019-08-22.

Həmçinin bax

[redaktə | mənbəni redaktə et]
Mənbə — "https://az.wikipedia.org/w/index.php?title=Əli_Əlizadə_(diplomat)&oldid=6962026"