Mikayıl Nəzərov

Mikayıl Nəzərov
Şəxsi məlumatlar
Doğum tarixi	yanvar 1933
Doğum yeri	Bakı, Azərbaycan SSR, ZSFSR, SSRİ
Vəfat tarixi	2009
Vəfat yeri	Bakı, Azərbaycan
Təhsili	Azərbaycan Dövlət Neft və Sənaye Universiteti
Atası	Əziz Nəzərov
Təltifləri

Mikayıl Əziz oğlu Nəzərov (yanvar 1933, Bakı – 2009, Bakı) — Azərbaycan sovet və partiya xadimi.

Həyatı

M. Əzizbəyov adına Azərbaycan Neft və Kimya İnstitutunu və Sov. İKP MK yanında Ali Partiya məktəbini bitirmişdir. Azərbaycan KP Lenin RK-də təlimatçı, şöbə müdiri vəzifələrində işləmişdir. 1966-cı ildə Azərbaycan KP Lenin RK-nin Katibi seçilmişdiir. 1968-ci ildən partiya işinin təşkili şöbəsində inspektor, MK–nin ikinci Katibinin köməkçisi, 1971-ci ildən isə ticarət, plan və maliyyə təşkilatlarının şöbə müdiri olmuşdur. 1982-ci ildən Azərbaycan KP MK-nin ticarət və məişət xidməti şöbəsinin müdiri, 1986-cı ildən Azərbaycan SSR Nazirlər Sovetinin işlər müdiri olmuşdur. 1990-cı ildən Azərbaycan Respublikası Prezidenti aparatının rəhbəri, 1991-ci ildən isə Azərbaycan Respublikası Prezidentinin işlər müdiri olmuşdur.

Mikayıl Nəzərov VIII–XII çağırış Azərbaycan SSR Ali Sovetinin deputatı olmuşdur.

Mükafatları

Mikayıl Nəzərov Qırmızı Əmək Bayrağı və Xalqlar Dostluğu Ordenləri ilə təltif edilmişdir.