Mirzəli Hüseynzadə

Mirzəli Hüseynzadə
Doğum tarixi	31 dekabr 1939(1939-12-31)
Doğum yeri	Astraxanbazar rayonu, Azərbaycan SSR, SSRİ
Vəfat tarixi	15 mart 2002(2002-03-15) (62 yaşında)
Təhsili	BDU Filologiya fakültəsi
Fəaliyyəti	şair, publisist
Üzvlüyü	SSRİ Yazıçılar İttifaqı, Azərbaycan Yazıçılar Birliyi

Hüseynzadə Mirzəli Mirzəhüseyn oğlu (31 dekabr 1939, Astraxanbazar rayonu – 15 mart 2002) — publisist, şair, nasir. 1980-ci ildən SSRİ Yazıçılar İttifaqının, Azərbaycan Yazıçılar Birliyinin, Respublika Ziyalılar Cəmiyyətinin üzvü .

Həyatı

Mirzəli Hüseynzadə 1939-cu il dekabrın 31-də Azərbaycan SSR-in Astraxanbazar (indiki Cəlilabad) rayonunun Qaralı kəndində anadan olmuşdur. Cəlilabad şəhərindəki Nizami adına məktəbdə orta təhsil almışdır. BDU-nun filologiya fakültəsini bitirmişdir.

Fəaliyyəti

İlk şeirləri " Yeni gün " (keçmiş " Taxılçı ") qəzetində çap olunmuşdur. O, bir müddət Cəlilabad şəhərində mədəniyyət şöbəsinin, rayon təhsil işçiləri evinin müdiri, kənd təsərrüfati işçiləri həmkarlar ittifaqı komitəsinin sədri vəzifələrində işləmişdir. Baki şəhərinə köçdükden sonra Azərbaycan Dövlət Nəşriyyatında, Azərbaycan Dövlət Televiziya və Radio Verlişləri Komitəsində redaktor," Nəsimi " ("Azərbaycan dünyası") qəzetində şöbə müdiri vəzifəsində çalışmışdır. SSRİ Yazıçılar İttifaqının, Azərbaycan Yazıçılar Birliyinin üzvü, " Qızıl Qələm ", mükafatı laureatı idi. Şeirləri " Ədəbiyyat ", "Azərbaycan müəllimi ", " Baki " qəzetlərində , " Azərbaycan ", " Ulduz ", " Kirpi " jurnallarinda çap olunmuşdur.

Kitabları

• Sevgi illəri, B., Gənclik, 1978, 3.000 nüs.
• Göytəpə, B., Yazıçı, 1978, 4.500 nüs.
• Güldən ləçəyi, qardan çiçəyi,[1] B., Yazıçı, 1981, 7.000 nüs.
• Nigaranam, B., Yazıçı, 1983, 5.000 nüs.
• Sənsiz darıxırıq, torpaq, B., Gənclik, 1983, 10.000 nüs.