Vikipediya:Səsvermə

Qayda səsvermə nəticəsində qəbul edilmişdir.

• Səsvermə müddəti: 24 yanvar — 8 fevral 2018-ci il
• Qüvvədədir: 8 fevral 2018-ci il

Bu səhifədə səsvermə qaydaları barədə məlumat ala bilərsiniz.

• Arxivdəki səsvermələrə buradan baxa bilərsiniz.

İstifadəçilərin səsvermə hüquqları

1. Azərbaycan Vikipediyasındakı səsvermələrdə ancaq qeydiyyatdan keçmiş istifadəçilər iştirak edə bilər.
2. Qeydiyyatdan keçmiş istifadəçinin hər hansı bir səsvermədəki səsinin etibarlı sayılması üçün səsvermənin başlandığı tarixdən ən azı üç ay əvvəl qeydiyyatdan keçmiş olmalı və bu tarixədək ən azı 500 redaktə etmiş olmalıdır. Həmin 500 redaktənin 100 redaktəsi "Vikipediya" ad fəzasında olmalıdır. Lakin bu 100 redaktəyə avtomatik əlavələr (Məs. "AWB") və müzakirəyə aid olmayan düzəlişlər daxil deyil.
3. Səsvermə başlayan tarixə kimi Azərbaycan dilindəki Vikipediyada son 15 gün ərzində 5 redaktəsi olan istifadəçilər.

• Qeyd: İstifadəçi səhifəsi, istifadəçi müzakirəsi və kiçik redaktələrin sayı yuxarıda göstərilən minimum redaktə sayının yarısından az olmalıdır.

Səsvermənin nəticələrinin hesablanması

Səsvərmə sonunda qərar alınması üçün sadə çoxluq, yəni 50%+1 miqdarında səs kifayətdir. Burada iki hal istisnadır:

1) İnzibatçı seçkisində İnzibatçı namizədi ən azı 10 səs almalı və istifadəçiyə qarşı səsverənlərin sayı ümumi səsverənlərin 1/3-ni keçməməlidir. Əks halda istifadəçi seçilməmiş sayılır. İstifadəçi səsvermənin sonunda sadə çoxluq ilə irəlidə olarsa səsvermə müddəti əvvəlki səsvermə müddətindən çox olmamaq şərti ilə, bir dəfə artırılır və istifadəçi artırılmış vaxtda lazımi miqdarda səs ala bilməmişsə uduzmuş hesab edilir.

2) Status-kvonun dəyişilməsi ilə bağlı səsvermələrdə səsvermədə iştirak edənlərin ən azı 2/3-si müsbət rəy bildirməlidir (neytral səslər cəmi səsə daxildir).

• Qeyd: Səsləri nəzərə alınmayan istifadəçilərin sayı ümumi səsverənlərin sayına aid edilmir.

Səsvermə müddəti

Bütün səsvermələr mövzudan asılı olaraq 7–15–25 gün müddətinə keçirilir. Bu müddət səsverməni açan istifadəçi tərəfindən müəyyən olunur və açıq şəkildə elan edilir.

İnzibatçı namizədliyi barədə

Səsvermə hüququ olan bütün vikipediyaçılar aşağıdakı şərtlər daxilində öz namizədliklərini irəli sürə bilərlər:

1) Namizədliyini irəli sürülərkən Vikipediyanın heç bir layihəsində bloku olmamalıdır, yalnız blok müddəti başa çatdıqdan sonra istifadəçi namizədliyini irəli sürə bilər.

a) Qeyri-müəyyən müddətə və ya 3 dəfədən daha artıq bloklanmış istifadəçilər istisna olmaqla, əvvəllər blok almış istifadəçilərin, aldıqları blokun müddətinin bitməsindən 6 ay sonra və alınmış blokun səbəblərini başa düşdüklərini və buna səbəb olmuş hərəkətlərə bir daha yol verməyəcəklərini bəyan etdikləri təqdirdə, inzibatçı seçilmək üçün namizədlikləri irəli sürülə bilər. Namizədlik irəli sürüldükdən və ya inzibatçı seçildikdən sonra yuxarıda göstərilmiş qayda pozularsa, bu bənddə göstərilmiş şərtin yerinə yetirilmədiyi hesab olunur və inzibatçı seçkisi etibarsız sayılaraq inzibatçının statusu alınır.

2) Minimum bir dəfə başqa bir səsvermədə iştirak etmiş olmalıdır.

Mövcud səsvermələr

Hazırda davam edən 5 səsvermə var:

Bu müzakirə bağlıdır. Xahiş olunur, heç bir dəyişiklik etməyin.

Ədalətli istifadə meyarlarının rəsmi prinsip kimi qəbul edilməsi ilə bağlı səsvermə

Səsvermə 24 aprel — 19 may 2024-cü il tarixləri arasında keçirilir.

• Mövcud versiya
• Müzakirə səhifəsi

Dəstək

1.  Lehinə: ümumvikilərdə bütün yükləmələr bu qayda əsasında aparılır. Ən dolğun məlumatlar tr-vikidə olduğu üçün oradan tərcümədir. Vikimedia Fondunun standart qaydalarıdır. Sadəcə olaraq lokal olaraq təsdiqlənməlidir.— Turkmen ^müzakirə 04:32, 24 aprel 2024 (UTC)
2.  Lehinə:— samral ^müzakirə 10:33, 24 aprel 2024 (UTC)
3.  Lehinə: — Tarixi Nadir (müzakirə) 11:37, 1 may 2024 (UTC)
4.  Lehinə:— namikilisu 11:51, 1 may 2024 (UTC)
5.  Lehinə: — Bikar ^müzakirə 11:59, 1 may 2024 (UTC)
6.  Lehinə: — Sura Shukurlu (müzakirə) 12:04, 1 may 2024 (UTC)
7.  Lehinə:— Baskervill 08:31, 4 may 2024 (UTC)
8.  Lehinə:— Kosmik Ozan ^utora! 21:25, 5 may 2024 (UTC)

Qarşı

Bitərəf

Şərhlər

• "Azərbaycanca Vikipediyanın müəllifləri" ifadəsi bir az qəribə görünür. Material mütləq bir məqalədə (ən azı) istifadə edilməlidir. - "(ən azı") "bir"dən qabağa keçsin. (kənd meydanındakı müzakirə diqqətimnən yayınıb) — Bikar ^müzakirə 11:01, 1 may 2024 (UTC)

  @Bikar, müəllifləri sözünü redaktorları ilə əvəz etmək olar. Digər fikriniz də məntiqlidir. Turkmen ^müzakirə 11:03, 1 may 2024 (UTC)

  Qeyd: Düzəlişlər edildi. — Turkmen ^müzakirə 11:55, 1 may 2024 (UTC)

  "Bu cür şəkillər ABŞ-dən.." cümləsində "ABŞ" yazılmasının səbəbi nədir? Mənim lisenziyalar və müəllif hüquqları ilə bağlı çox da ətraflı anlayışım yoxdur deyə bəlkə hər hansı əsaslandırması ola bilər deyə düşündüm. Sura Shukurlu (müzakirə) 11:32, 1 may 2024 (UTC)

  @Sura Shukurlu, ümumviki redaktorlarının çoxu, ABŞ-də azad fayllar çox olduğu üçün hərhansı mövzu üçün çox vaxt ora mərkəzli platformalarda mövzulara uyğun azad fayl axtarışında olurlar (məs., Flickr). Burada istifadəçilərə təlqin edilən budur ki, bu tip fayllar ABŞ-dən kənarda da var. Məsələn, Azərbaycanda prezident.az kimi. Turkmen ^müzakirə 12:00, 1 may 2024 (UTC)

  Anladım, təşəkkür edirəm izah üçün. Sura Shukurlu (müzakirə) 12:03, 1 may 2024 (UTC)

  ABŞ olmasının bir digər səbəbi Vikimedia Fondunun ABŞ-də yerləşməsidir. Nemoralis (müzakirə) 14:26, 1 may 2024 (UTC)

• ümumiyyətlə bir şey bildirmək istəyirəm. müəllif hüquqları ölkəyə görə dəyişirdə, düzdürmü? indi sual çıxır, müəllif hüquqları sırf ABŞ qanunları iləmi nizamlanır, yoxsa digər ölkələrə də yer verilir? məncə, verilir elə əsas da müəlliflik hüququnun sahib olduğu şəxsin ölkəsinə görə nizamlanır məncə. yoxsa yox? yəni, qısaca məncə qaydalarda Azərbaycan konseptinə yer verilməlidir, həmçinin SSRİ. çünki yüklənən fayllar əsasən elə bu ölkələr ilə bağlı olur. Atakhanli (müzakirə) 20:46, 1 may 2024 (UTC)

  Bəy, ölkədə Panorama azadlığı yoxdur, bunu bilirik. Yəni, abidələr, binalar, qəbirlər, bir sözlə bütün əsərlər azad fayl deyil. Yəni xüsusi icazələri olmadan nə lokala, nə də Commonsa yüklənə və istifadə oluna bilməz. Azad hesab olunması üçün müəllifinin ölümündən ən azı 70 il keçməlidir. Ətraflı burada qeyd olunub. Hörmətlə, Gadir^müzakirə 21:04, 1 may 2024 (UTC)

  Əslində ilkin versiya digər dövlətlərin həmin vaxt olan qanunvericiliyi ilə demək olar eyni səviyyədə idi. Sonra onlarda dəyişiklik oldu, bizdə isə olduğu kimi qaldı. Onun əziyətini çəkirik. — Bikar ^müzakirə 21:06, 1 may 2024 (UTC)

  Həmkar, mən bilən bizdəki halda müəllif hüququ serverlərin yerləşdiyi ölkənin (faylların fiziki yerləşdiyi yer) qanunvericiliyini pozmamaq şərti ilə tənzimlənir. — Bikar ^müzakirə 21:05, 1 may 2024 (UTC)

  @Atakhanli, Vikimedia ABŞ-də yerləşdiyi üçün birinci ABŞ qanunları nəzərə alınır. Yəni fayl həm ABŞ, həm də mənbə ölkədə azad olmalıdır. Nemoralis (müzakirə) 09:07, 4 may 2024 (UTC)

Yekunlaşdırma

Yekun nəticə:

• Səs verənlər — 8
  • Etibarsız səs sayı — 0
  • Etibarlı səs sayı — 8
    • Lehinə — 8
    • Əleyhinə — 0
    • Bitərəf — 0

 Qəbul edildi — Turkmen ^müzakirə 09:51, 19 may 2024 (UTC)

Yekunlaşdırma

Y Səsvermənin nəticələri hesablanmış və "Ədalətli istifadə meyarları" rəsmi olaraq qəbul edilmişdir.— Turkmen ^müzakirə 09:52, 19 may 2024 (UTC)

Uşaqların mühafizəsi qaydalarının rəsmi prinsip kimi qəbul edilməsi ilə bağlı səsvermə

Səsvermə 03 may — 28 may 2024-cü il tarixləri arasında keçirilir.

• Mövcud versiya
• Müzakirə səhifəsi

Dəstək

1.  Lehinə: standart qaydalardan biridir. Bəzi layihələrdə hətta ilk qəbul edilən qaydalardandır. Bizdə istifadəçilərin hüquqlarının qorunması üçün qaydalar demək olar ki, yox dərəcəsindədir. Həmçinin gələcəkdə Arbitrajı işə salmaq üçün də qaydaları nə qədər çox hazırlayıb qəbul etsək, o qədər yaxşı olar.— Turkmen ^müzakirə 12:06, 3 may 2024 (UTC)
2.  Lehinə: Hörmətlə, Gadir^müzakirə 12:30, 3 may 2024 (UTC)
3.  Lehinə: çox mühüm qaydadır. Uşaqlar bizim gələcəyimizdir. Onları qorumaq hamımızın borcudur.— samral ^müzakirə 12:46, 3 may 2024 (UTC)
4.  Lehinə: — Bikar ^müzakirə 13:15, 3 may 2024 (UTC)
5.  Lehinə: Nemoralis (müzakirə) 14:19, 3 may 2024 (UTC)
6.  Lehinə: Atakhanli (müzakirə) 14:26, 3 may 2024 (UTC)
7.  Lehinə: — Xeyal ^(müzakirə) 15:19, 3 may 2024 (UTC)
8.  Lehinə: Moses :) 20:48, 3 may 2024 (UTC)
9.  Lehinə:— Baskervill 08:31, 4 may 2024 (UTC)
10.  Lehinə: — Tarixi Nadir (müzakirə) 19:00, 4 may 2024 (UTC)
11.  Lehinə:— Nicat^{49   ⋠müzakirə⋡} 19:03, 4 may 2024 (UTC)
12.  Lehinə: — Sura Shukurlu (müzakirə) 18:55, 12 may 2024 (UTC)

Yekunlaşdırma

Yekun nəticə:

• Səs verənlər —
  • Etibarsız səs sayı —
  • Etibarlı səs sayı —
    • Lehinə —
    • Əleyhinə —
    • Bitərəf —

Cəsur ol qaydasının rəsmi prinsip kimi qəbul edilməsi ilə bağlı səsvermə

Səsvermə 4 may — 29 may 2024-cü il tarixləri arasında keçirilir.

• Əvvəlki versiya
• Təklif olunan versiya
• Müzakirə səhifəsi

Dəstək

1.  Lehinə:— Baskervill 08:31, 4 may 2024 (UTC)
2.  Lehinə:— Nemoralis (müzakirə) 18:26, 5 may 2024 (UTC)

Şərhlər

 Şərh: son başlığın abzaslarında bəzi məna səhvləri var. Zəhmət olmasa göz atarsınız, çünki anlaşıqlı deyil. Məs. :

• "Bu, xüsusilə ekranın sol tərəfindəki menyudakı başlıqlardan keçid verilənlər kimi olduqca çox baxılan səhifələrə aiddir. Ümumiyyətlə, bunlar məlumatları çatdırmaq üçün mürəkkəb formatdan istifadə edir və onları mümkün qədər istifadəçi dostu etmək üçün çox işlər görülüb. Həmçinin bəzi səhifələr formatlaşdırılmalarının eyni olması nəzərdə tutulan qruplar yaradır".— Turkmen ^müzakirə 19:12, 8 may 2024 (UTC)

Y Mümkün düzəlişləri etdim. Hörmətlə, Gadir^müzakirə 19:41, 8 may 2024 (UTC)

Yekunlaşdırma

Yekun nəticə:

• Səs verənlər —
  • Etibarsız səs sayı —
  • Etibarlı səs sayı —
    • Lehinə —
    • Əleyhinə —
    • Bitərəf —

Heç bir qaydaya məhəl qoymayın qaydasının rəsmi prinsip kimi qəbul edilməsi ilə bağlı səsvermə

Səsvermə 4 may — 29 may 2024-cü il tarixləri arasında keçirilir.

• Əvvəlki versiya
• Təklif olunan versiya
• Müzakirə səhifəsi

Dəstək

1.  Lehinə: — Nemoralis (müzakirə) 09:45, 15 may 2024 (UTC)
2.  Lehinə: — Bikar ^müzakirə 13:39, 18 may 2024 (UTC)
3.  Lehinə:— Nicat^{49   ⋠müzakirə⋡} 19:57, 18 may 2024 (UTC)

Yekunlaşdırma

Yekun nəticə:

• Səs verənlər —
  • Etibarsız səs sayı —
  • Etibarlı səs sayı —
    • Lehinə —
    • Əleyhinə —
    • Bitərəf —

IP blokundan azad olma qaydasının rəsmi prinsip kimi qəbul edilməsi ilə bağlı səsvermə

Səsvermə 8 may — 2 aprel 2024-cü il tarixləri arasında keçirilir.

• Əvvəlki versiya
• Təklif olunan versiya
• Müzakirə səhifəsi

Qarşı

1.  Əleyhinə: Qayda müzakirə edilməmiş birbaşa səsverməyə çıxartmaq düzgün deyil. Aşağıda da qeyd edildiyi kimi xeyli səhvlər var.— Nemoralis (müzakirə) 09:43, 15 may 2024 (UTC)

Şərhlər

Gadir, bunun müzakirəsi harda gedib? — Bikar ^müzakirə 19:11, 8 may 2024 (UTC)

Düşünürəm ki, bu qaydanın mətninə də biraz əl gəzdirmək lazımdır. Məs.,:

• "Azərbaycanca Vikipediyadakı lokal IP blokundan azad olma hüququ redaktorların qlobal bir əngəlləməyə tabe olsa belə, hər hansı bir IP ünvanından redaktə etməsinə imkan verir".

Turkmen ^müzakirə 19:17, 8 may 2024 (UTC)

@Bikar, necə? Müzakirə burada gedir. @Turkmen, əllə etina göstərərək tərtib etmişəm, buna baxmayaraq, haqlısınız, bir qədər qəliz görünür, mən başa düşürəm, amma düşünürəm ki, dediyiniz kimi, daha anlaşıqlı olmalıdır. Düzəliş edərəm. Ümumən qaydalara bir də nəzər yetirəcəyəm. Hörmətlə, Gadir^müzakirə 19:23, 8 may 2024 (UTC)

Ümumiyyətlə əvvəlcə həmin İP-in bloku açılması üzrə müraciət olmalıdı, əgər İP davam edərsə onda hüquq verilməlidi. Başqa problemləri də yazım, düzəliş eliyərsiz.

• Qısaca bu səhifə deyir: -da durum yox vəziyyət yazılmasını məsləhət görürəm
• Azərbaycanca Vikipediyayı yazılıb
• çözmək - həll etmək
• Arbitraj Komitəsinin olmaması ilə bağlı qeyd bu qaydada yazılmalı deyil.
• Artık - artıq

— Bikar ^müzakirə 19:25, 8 may 2024 (UTC)

Birinci cümlə harada qeyd olunub? Ola bilər kiçik və texniki səhvlər buraxılmış olsun, düzəliş edərək siz də kömək edə bilərsiniz. Həmçinin "çözmək", "durum" kimi sözlərin yazılması qəribə hal deyil. Niyə qəribə gəldi anlamadım. Alternativ sözlərlə dəyişdirilməsinə də etiraz etmirəm yenə də. Hörmətlə, Gadir^müzakirə 19:28, 8 may 2024 (UTC)

@Gadir, harda olduğunu tapa bilmədim(bloklama qaydaları daxilində olmalıdı, gələcəkdə əlavə olunar yəqin ki,). @Turkmen başqa vikilərdə ip blokundan azad olma hüququ verilməsindən qabaq checkuser-ə muraciət olunur. Məncə bizdə də eyni formada olmalıdı. — Bikar ^müzakirə 19:43, 8 may 2024 (UTC)

Lokal çekyuzer olmadığı üçün bir az vaxt alan proses olacaq, amma hazırda elə də çox müraciət gələcəyini də düşünmürəm. Sadəcə qayda olaraq əlimizdə mövcud olsun ki, gələcəkdə müzakirə və mübahisələrdə həll üçün ona istinad edə bilək. Onu da hazırda sizin kimi etibarlı töhfə verən istifadəçilər tələb edər ki, onlara da lazımi durumlarda güvənib müəyyən müddətə verə biləcəyimiz qənatindəyəm. Qayda da qeyd edilib bu xüsuslar barədə, diqqət yetirə bilərsiz. Hörmətlə, Gadir^müzakirə 19:53, 8 may 2024 (UTC)

Checkuser tələbi indi əlavə olunmasa gələcəkdə istifadəçilərin belə dəyişikliyi qəbul etməsi real görünmür. — Bikar ^müzakirə 20:04, 8 may 2024 (UTC)

Çekyuzer ayrı mövzudu, fakt indi metaya müraciət ediləcək, amma dediyim kimi, təcrübəli istifadəçilərdə ehtiyac olmur, müraciətlər töhfə və davranış keçmişlərinə baxılaraq dəyərləndirilir, problem yoxdursa verilir. Müraciətlərin daimi istifadəçilər tərəfindən olacağına inanıram. Zatən yeni açılan hesaba bu hüquq verilməz. Hörmətlə, Gadir^müzakirə 20:07, 8 may 2024 (UTC)

@Bikar, təbii ki, fəaliyyəti ilə tanış olmadığımız istifadəçiləri çekyuzerdə yoxlatmaq lazımdır. Lakin bu çox hallarda lazım olmaz məncə. Bəndi artırmaq barədə isə fikirləriniz ilə razıyam. Olsun, lazım olanda yoxladaq. Turkmen ^müzakirə 06:02, 9 may 2024 (UTC)

Mən müraciət edən istifadəçilərin bütün hallarda yoxlanmasının tərəfdarıyam. — Bikar ^müzakirə 06:45, 9 may 2024 (UTC)

@Bikar, narahatçılıqlarınızı anlayıram, amma bu dəfə də bir xeyli gözləmək lazım olacaq nəticəni. CU həmən cavab vermir, gecikdiyi durumlar da olur. Bu halda da istifadəçi saatlarla fəaliyyət göstərə bilməyəcək deməkdir. Bəlkə hansısa məqalə yaxud səhifə üzərində işləyir olacaq. Hörmətlə, Gadir^müzakirə 14:42, 11 may 2024 (UTC)

İstifadəçinin hansısa məqalə üzərində işləyə bilməsindən daha vacib şeylər var, hazırki formada səsim əleyhinə olacaq və düşünürəm ki, kukla hesablardan narahat olanlar eyni fikirdə olacaqlar. — Bikar ^müzakirə 15:02, 11 may 2024 (UTC)

Orası doğru, amma daimi töhfə verən, məqalə yaradan istifadəçilər etibar edilənlərdəndir. Qeyd edildiyi kimi, şübhəli durum olarsa və ehtiyac yaranarsa. Əgər keçmişi təmizdirsə elə də mütləq deyil. Amma etiraz etmirəm əlavə olunmasına, kiçik belə olsa zərərin qarşısını alma ehtimalı varsa olsun. Mən də narahatam və razılaşmaq olar, etiraz yoxdursa CU mütləq olsun bütün vəziyyətlərdə. Hörmətlə, Gadir^müzakirə 15:07, 11 may 2024 (UTC)

İstifadəçiyə İPAO hüququ verilmədən öncə CU tərəfindən kukla hesab(lar)ı olmadığı təsdiqlənməlidir. - bunu mədəni formada əlavə eləmək lazımdı. — Bikar ^müzakirə 15:11, 11 may 2024 (UTC)

@Nemoralis, daha geniş necə və harda müzakirə edə bilərik? Zəhmət olmasa, səhvləri bildirin, müvafiq düzəlişlər edilsin. Zatən müzakirəsi burada gedir və bu ərəfədə əlavələr olundu, təkmilləşdirildi. Sadəcə Bikar mütləq CU təklifi verib, o da müzakirə oluna bilər, təbii. Müzakirə məsələsi ilə bağlı isə bir qaydamız yoxdur bildiyim qədərilə, əlbəttə, könül istər hər bir qayda üçün geniş detallıca müzakirələr olunsun və elə qəbul olunsun. Amma maraq və aktivlik yetərli deyil, təəssüf ki. Müzakirəsiz bir çox qayda səsverməyə çıxarılıb indiyədək və qəbul olunub, fikirlər də orada, səsvermə səhifəsində bildirilib. Əsasən ingilis dilindən tərcümə olunan standart qaydalardır, amma lokal vikinin vəziyyətinə görə mümkün düzəliş və əlavələr də etmək mümkün və bəzi hallarda lazımlıdır. Hörmətlə, Gadir^müzakirə 10:00, 15 may 2024 (UTC)

Mənim dediyim odur ki, səsvermə gedə-gedə təkliflər verib səs verilən qaydada dəyişiklik etmək düzgün deyil, hələ-hələ belə bir qayda da. Nemoralis (müzakirə) 13:42, 18 may 2024 (UTC)

Dediyim kimi, bizdə aktivlik və maraq yetərli qədər olmadığı üçün bu formada birbaşa səsverməyə (müzakirəyə) çıxarmışam, digər bir çox hallar kimi. Onsuz kifayət qədər müzakirə edilmir və ardından burada səsvermə başladılır. Əslində, məncə, problem deyil, müzakirə olunur və dəyişikliklər olunur. Daha geniş müzakirə olunmasını istəyirsinizsə və olunacağını düşünürsünüzsə, müzakirəyə çıxara bilərik. Bu da bir sıra qaydalar kimi olduqca ciddi qaydadır, bəli. Hörmətlə, Gadir^müzakirə 13:48, 18 may 2024 (UTC)

Yekunlaşdırma

Yekun nəticə:

• Səs verənlər —
  • Etibarsız səs sayı —
  • Etibarlı səs sayı —
    • Lehinə —
    • Əleyhinə —
    • Bitərəf —